Puno sa kalipay ug pasalamat ang pagpahigayon sa ribbon cutting ug turn over ceremony  sa Greenhouse with Hydrophonics sa Demo Farm Dampa sa dakbayan sa Dapitan.

Gitambungan nila ni Executive Director of Department of Agriculture Regional Field Office IX, Rad Donn L. Cedeño, Mayor of Dapitan City Hon. Rosalina "Nene" G. Jalosjos, Chairman of Committee on Agriculture Hon. Ronnie M. Jarapan, City Agriculturist Cyril A. Patangan, High Value Crops Development Program (HVCDP)-Coordinator Atty. Hannibal P. Bayo-ang, mga konsehales sa dakbayan ug mga lideres sa mga mang-uuma.

Sa maong programa, nagpasalamat si City Agriculturist  Cyril A. Patangan nga dinhi gibutang ang proyekto diin nakapasar kini sa kriterya ug anaa usab ang dakong surporta gikan sa Departamento sa Agrikultura nga daghan ang gipanghatag nga nagkalain-laing klase sa binhi sama sa mais, mga similya sa utanon ug uban pa.

Isip pagpamatuod sa pormal nga pagtugyan sa nasangpit nga proyekto, gi-turn-over ni Director Cedeño ang mga tanom nga lettuce ngadto ni Mayor Nene Jalosjos.

Sigun pa ni Director Cedeño, nga ang Department of Agriculture malipayon ug mapasalamaton nga gitunol sa Syudad sa Dapitan kini nga proyekto diin kini mao ang sinugdan sa mga mosunod pa mga kalambuan nga itunol sa Departamento sa Agrikultura  sa syudad.

Pamahayag ni Mayor "Nene" Jalosjos, siya nanghinaut nga kining proyekto makahatag ug dugang kadasig  sa mga katawhang Dapitanon diin gitagaan kini sa dakong importansya sa kagamhanang lokal.

Gikalipay ug gidayeg usab ni Konsehal Ronie "Hope" Jarapan nga nagkantidad sa 1.9 milyones pesos gikan sa nahisgutan nga ahensya.

(News and photo courtesy of CITY INFORMATION DIVISION-CID Dapitan Facebook page)